自私乃人之天性

從經濟學角度分析世事，必先以「人性本自私」為出發點。要接受這觀點實在係易過抬油，皆因例子實在隨處可見。

日前圖書館就攪了個舊書義賣的活動，以每本五元的售價出售，收益例牌作慈善用途，順便為圖書館免費吸納好書。醒目商人自然大量入貨，有理無理，必定要用盡手上90本的quota。師奶們似乎也知道當中竅門，帶同子女一同抽水，誓要趁低吸納，賣書賺錢分番份。老實說，這對一般書商也是好事，師奶們代為排隊之餘，還可低價收書，實行有錢大家搵。以一個舊書義賣活動來講，縱然真正的愛書者不多，但最後人人有著數，似乎自私真可推動社會經濟發展。

如果自私得太過又如何？

話說會場的行人通道本來甚寬闊，但不少買書者都會先「搶」來二三十本書，然後坐在路邊慢慢作篩選，久而久之，路邊都坐滿人，阻塞通道是必然的。當然工作人員也明白箇中問題，所以只要不太過份還是隻眼開隻眼閉。不過有一名師奶似乎相當不滿，差起雙手，並大聲指罵工作人員「阻住哂」，並反駁：「我依家要賣180本書，唔擺o向地，可以擺o向邊，你教我！！！你講呀！」老實，我看她弱質纖纖，帶著一個十歲多的小男孩，180本書，你賣得到也帶不走吧。就當你帶得走，又何用那麼囂張呢？大姐，你咁教細路，他多看1800本書都補唔番喇。自私係一回事，唔好影響到人先係道理。